Loading…
18 vjet pas luftës shpreson t’i gjejë eshtrat e babait
  • 12/08/2017 | 23:13

...

Lumni Luzhnica nga Fushë Kosova, ende i ka të freskëta kujtimet dhe zërin e babait të tij, Azemit, të cilin e dëgjoi për herë të fundit më 28 mars të vitit 1999.


Kanë kaluar më shumë se 18 vjet dhe Lumniu po jeton me brengën se ku gjenden eshtrat e babait të tij, i zhdukur në pranverën e vitit 99-të. Ai thotë se sipas fqinjëve, babai i tij u mor nga forcat serbe në kohën e luftës dhe nuk u gjet më.

Dita kur për herë të fundit e kishte parë babanë e tij, nuk i hiqet nga mendja as tani. Lumniu thotë se nga paslufta i ka ndodhur shpesh që fytyra e babait të tij t’i ngjajë në shumë persona nga larg por që e vërteta e zhdukjes së tij ende mbetet mister, raporton televizioni publik.

Lumniu thotë se më nuk ka shpresë se babai i tij është ende gjallë, ndonëse gjetja e eshtrave të tij do t’ia lehtësonte gjysmën e dhembjeve që ka.

Ai thotë se institucionet e Kosovës nuk kanë bërë shumë rreth të pagjeturve dhe se ende kjo çështje nuk është prioritet i tyre.

Që nga lufta e fundit në Kosovë mbi 1600 persona ende figurojnë të zhdukur.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë