Loading…
20 minutat e testit të vështirë të riatdhesimit vjen në Dokufest
  • 11/08/2017 | 12:35

...

Në kuadër të kategorisë së filmave kombëtarë në edicionin e 16-të të Festivalit “Dokufest” është shfaqur premierë filmi “The Remigrant”, regjinë e të cilit e ka bërë aktori i suksesshëm Astrit Alihajdaraj. Në film luajnë aktorë të njohur kosovarë.


Filmi 20 minutësh “The Remigrant” tregon historinë e Bashkimit, 50-vjeçar, dhe Besnikut, 17-vjeçar, të cilët kanë shumë të përbashkëta. Të dy kanë braktisur shtëpinë në moshë të re. Babai ishte dashur të arratiset në Austri për shkak të luftës në Kosovë, kurse biri i tij duhet të kthehet në Kosovë me kërkesën e të atit.

Kthimi në Kosovë, pas shtatëmbëdhjetë vjetësh jetesë në Vjenë, është një test i vështirë pjekurie për të dy. Dëshira e madhe për vendin e fëmijërisë i lidh dhe i ndanë, si babanë ashtu edhe të birin.

vjen i punuar nën regjinë e aktorit të njohur Astrit Alihajdaraj, i cili po ashtu është edhe producent i tij. Kjo është hera e parë që aktori vjen në rolin e regjisorit dhe producentit.

Në film luajnë aktorët Leze Qena, Ilire Vinca, Veton Osmani dhe Floris Bajgora. Qena u shpreh e lumtur që i ishte besuar ky rol.

Ndërsa, aktorja Vinca ka pasur rastin të bashkëpunojë me Astritin si aktor, por tha se ishte interesant edhe bashkëpunimi me të si regjisor.

Në kategorinë kombëtare të edicionit të 16-të të “Dokufest”-it do të shfaqen 13 filma. Festivali përfundon të shtunën.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë