Loading…
3 problemet më të shpeshta shëndetësore që shfaqen pas lindjes
  • 08/02/2018 | 11:20

...

Pas lindjes së fëmijës, një nënë e re përballet edhe me disa shqetësime të lehta fizike. Ndër to, problemet me zorrët nuk duhen neglizhuar. Gjatë shtatzanisë, zorra nuk e kryen më së miri funskionin e saj, sepse të gjitha organet e barkut zhvendosen në javët e fundit, në mënyrë që të lënë sa më shumë hapësirë për mitrën e fëmijën.


Pas lindjes, duhet pak kohë që zorrët dhe organet e tjera të kthehen në pozicionet e tyre të mëparshme. Kjo mund të shkaktojë dhimbje tek nëna, e cila e ndien atë si një dhimbje stomaku.

Probleme me kapsllëkun: Për disa arsye, rikthimi i zorrëve në pozicionin e duhur mund të jetë i ngadaltë dhe kjo shkakton edhe probleme me kapsllëkun (konsipacionin). Për pasojë, shumë nëna ankohen nga fryrja e barkut. Ushqimi vendoset më shumë brenda zorrëve dhe proçesi i absorbimit të tij prodhon gazra, të cilat nëse janë në sasi të mëdha shkaktojnë dhimbje të ngjashme me kolitin. Për të lehtësuar sado pak dhimbjet këshillohet që nënat e reja të mos e kufizojnë veten, por t’i nxjerrin gazrat sa herë që kanë mundësi.

Hemorroidet: Kapsllëku dhe ulja e qarkullimit të gjakut në fund të shtatzanisë shpesh shkaktojnë formimin e hemorroideve të cilat pas lindjes bëhen më të dukshme. Hemorroidet janë zgjerimi i venave në anus duke marrë ngjyrë blu në të kuqe. Në rast se ato janë të vogla është e mundur që të trajtohen në nivel lokal përmes aplikimit të vajrave për të ulur ënjtjen.

Ndikimi i stresit: Në këtë periudhë me shqetësime shëndetësore, stresi luan rol shumë të rëndësishëm, pasi ndryshimet që ndodhin nga lindja e fëmijës janë shumë të mëdha.

Çfarë duhet të bëni? Pavarësisht se mund të duket këshillë e paranëdsishme, një nga gjërat që mund të bëni për të minimizuar dhimbjet e problemet pas lindjes është të pini sa më shumë ujë, për një funksionim më të mirë të organeve tuaja.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë