Loading…
64 zhurma të forta në të gjithë botën, mister origjina
  • 23/11/2017 | 11:02

...

Banorët në Alabama mbetën pa fjalë javën e shkuar kur një zhurmë e fortë (boom) u dëgjua në shumë zona.


Ky fenomen nuk është i panjohur, por origjina e tij po. Prej kohësh ekspertët janë në pikëpyetje, pasi mbetet e paqartë nga vjen dhe çfarë e shkakton. Teoritë janë të shumta, nga avionët supersonikë te meteorët që shpërthejnë në atmosferë.

Sipas asaj që shkruan e përditshmja “DailyMail”, vetëm këtë vit, zhurma të tilla të ngjashme janë raportuar të paktën 64 herë, në vende të ndryshme të botës, përfshirë Michigan, Lapland, St Ives, Swansea dhe Yorkshire.

Pavarësisht teorive të shumta, vetë ekspertët e NASA -s kanë dyshime për origjinën e këtyre “boom”. Duke folur për ABC 3340, Bill Cooke tha se këto zhurma mund të jenë shkaktuar nga një avion supersonik, një shpërthim në tokë, apo një meteor që shpërthen në atmosferë. Ndonëse zhurma e regjistruar më 14 Nëntor në Alabama u kap nga Qendra Gjeologjike Amerikane, të dhënat sugjerojnë se ajo nuk vinte si pasojë e një tërmeti.

Një zhurmë e tillë e fortë është regjistruar në shumë raste, ndër to përfshihen një në Idaho më 15 Nëntor, më 10 Tetor në Cairns, më 11 Maj në Abergavenny, etj. Në disa raste ekspertët kanë konfirmuar se bëhej fjalë për meteorë që shpërthejnë e në disa raste të tjera për avionë supersonikë të ushtrisë amerikane. Por pjesa më e madhe mbeten mister.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë