Loading…
Al Kaida, kërcënim më i madh se ISIS’i
  • 09/02/2018 | 08:35

...

Al Kaida mbetet kërcënim më i madh se grupi ekstremist Shteti Islamik në shumë rajone, thanë në një raport ekspertë të Kombeve të Bashkuara.


Raporti, i cili është parë nga agjencia Associated Press, thotë se rrjeti terrorist i Al Kaidës “është shumë rezistent” dhe mbetet kërcënim në vendet si Jemeni dhe Somalia.

Paneli i ekspertëve është duke monitoruar sanksionet kundër të dyja grupeve dhe i ka bërë vërejtjet në një raport për Këshillin e Sigurimit të Kombeve të Bashkuara.

Ekspertët thanë se Al Kaida “mbetet kërcënim serioz brenda Gadishullit Arab, duke planifikuar sulme në Lindjen e Mesme”.

“Përveç kësaj, propaganda e Al Kaidës vazhdon të nxjerrë në pah një brez të ri të udhëheqësve të mundshëm, si Hamza Bin Laden, në përpjekje për të krijuar një imazh të ri për simpatizuesit e saj”, thanë ekspertët.

Hamza Bin Laden është djali i Osama Bin Ladenit, i cili ka urdhëruar sulmet terroriste në Shtetet e Bashkuara, më 11 shtator, 2001.

Ekspertët, megjithatë, nuk e minimizuan rrezikun nga Shteti Islamik, duke thënë se ai paraqet “kërcënim të madh dhe në zhvillim rreth botës”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë