Loading…
Amerika reagon pas sulmit ndaj pelegrinëve serbë në Istog
  • 22/10/2018 | 19:43

...

Shtetet e Bashkuara të Amerikës kanë reaguar në pasditen e së hënës për një sulm ndaj disa pelegrinëve serbë, në Istog, të dielën.


Dy autobusë, që po bartnin 170 pelegrinë serbë, ishin sulmuar në fshatin Studenicë – me ç’rast u ishin thyer xhamat.

Lajmin e ka konfirmuar edhe Policia e Kosovës, e cila ka bërë të ditur se pelegrinët kishin leje për një vizitë në Manastirin e Studenicës.

Ushtruesja e detyrës së ambasadorit të SHBA’së në Kosovë, Colleen Hyland, ka thënë se është “zhgënjyer nga dhuna e përdorur për frikësimin e besimtarëve në Istog”.

“Atyre duhet t’u sigurohet liria e lëvizjes nëpër Kosovë”, ka porositur Hyland, nëpërmjet një “cicërime”, në rrjetin social Twitter, në internet.

“Përshëndesim deklaratat e fuqishme të udhëheqësve të Kosovës, që kanë dënuar këtë dhunë, dhe mbështesim përpjekjet e policisë për t’i vënë para drejtësisë keqbërësit”, është shprehur ajo. /Express/

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë