Loading…
Arkivoli që tronditi një familje të tërë
  • 24/05/2018 | 23:59

...

Një kompani ajrore u detyrua të kërkonte ndjesë për ngatërresën që kishte bërë me dy arkivolë, duke çuar trupin e vdekur të një burri në varrimin e gabuar, në shtetin e gabuar.

Mësuesi 57-vjeçar Oybind Frederikson vdiq në spital më 5 Maj nga një infeksion në mushkëri, kur mjekët në Tromso të Norvegjisë nuk mund të bënin më gjë për të.

Familja planifikoi që trupi i tij të prehej në jug të shtetit dhe që kompania skandinave ajrore SAS të transportonte trupin.

Por në aeroportin e Oslos, arkivoli i tij u ngatërrua me atë të një burri, i cili gjithashtu kishte vdekur në Norvegji dhe që duhet të transportohej në Poloni.

Arkivoli mbërriti në këtë shtet javën e shkuar dhe pas ceremonisë mortore u vendos në mauzoleum.

Ndërkohë, familja e Frederikson u detyrua që të shtynte varrimin dhe të kontaktonte me autoritetet polake që t’i kthenin trupin e njeriut të tyre të dashur.

E pas një makthi burokratik, trupi i tij pritet që të kthehet në Norvegji këtë javë.

Familjarët e tij u shprehën të tronditur nga kjo ngjarje e rëndë. “Jemi të pikëlluar, nuk mund ta kuptojmë si mund të ketë ndodhur diçka e tillë. Kjo është një sjellje tërësisht fyese”, tha djali i të ndjerit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë