Loading…
Bakteria E Coli dhe simptomat e infeksionit nga ajo
  • 12/09/2018 | 22:54

...

Bakteri E. Coli kryesisht njihet si shkaktar i helmimeve nga ushqimi.


Sidoqoftë, një përhapje e fundit e këtij bakteri në SHBA ka shpirë në vdekjen e pesë njerëzve dhe në kontaminimin e rreth 200 personave, transmeton Telegrafi.

Jo vetëm se mund të infektohen personat që hanë ushqim me E. Coli, por edhe ata persona që bien në kontakt me këtë bakter.

Por, çfarë është saktësisht bakteri E. Coli, cilat janë simptomat e një infeksioni dhe si mund të trajtohet?

Çfarë është E. Coli

E. Coli, ndryshe njohur si Escherichia coli, është lloj i zakonshëm i baktereve që njihet për shkaktimin e irritimit në stomak dhe helmimin nga ushqimi.

Qendrat për Kontroll dhe Parandalim të Sëmundjeve shpjegojnë se bakteri gjendet në ushqime të ndryshme, në ambient dhe në zorrët e gjitarëve, duke përfshirë njerëzit.

Ndonëse zakonisht kontakti i këtij bakteri me një person mund të mos shkaktojë fare dëme, ka raste ku njerëzit sëmuren tejet shumë dhe mund të vdesin.

Cilat janë simptomat e një infeksioni nga bakteri E. Coli?

Shenjat se mund të jeni të infektuar nga bakteri E. Coli mund të shfaqen pas përafërsisht tri apo katër ditëve.

Simptomat përfshijnë diarrenë, dhimbjet në bark, vjelljen dhe marramendjet.

Ky bakter mund të shkaktojë edhe probleme tjera, duke përfshirë cista, infeksione në trakt urinar dhe pneumoni.

Si mund të parandalohet një infeksion i tillë?

Pasi që E. Coli mund të mbijetojë edhe jashtë trupit, është e rëndësishme të praktikoni higjienë të mirë për t’i reduktuar shanset që të infektoheni.

Ekspertët rekomandojnë t’i pastroni duart mirë pas përdorimit të tualetit, para dhe pas përgatitjes së ushqimit, pasi të keni kontakt me kafshë dhe kur t’ia ndërroni pelenat bebes.

Vlen të ceket se edhe konsumimi i mishit të pa gatuar mirë mund t’jua rritë shanset për t’u infektuar nga ky bakter.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë