Loading…
Blakaj e fut edhe djalin e axhës si ‘veteran të rrejshëm’, por ai ishte ushtar |Dokument
  • 20/09/2018 | 16:18

...

Ish-prokurori që po hetonte listat e veteranëve të UÇK-së, Elez Blakaj, dha dorëheqje rreth më shumë se një muaj më parë. Dorëheqja e tij la pas shumë paqartësi dhe spekulime për arsyen e një veprimi të tillë.

Hetimet dhe aktakuzën për veteranët që konsiderohet që përfituan jashtëligjshëm pensione, e mori përsipër një prokuror tjetër, emri i të cilit ende nuk është bërë zyrtarisht i ditur.

Më 14 shtator, Prokuroria Speciale ngriti aktakuzë e cila u dërgua më pas në Gjykatën Themelore në Prishtinë, kundër 12 të pandehurve, për lëndën e njohur në opinion si “VETERANËT” në drejtim të veprës penale “keqpërdorimi i pozitës apo autoritetit zyrtarë” nga neni 422 të KPRK.

Gjithashtu, në aktakuzë është propozuar që gjykata të lëshoj masën  për ndalimin  e pagesës së pensioneve të fituara në mënyrë të kundërligjshme si veteran luftëtarë të UÇK-së, deri në përfundimin e procedurës penale.

Pjesë e aktakuzës ishin edhe rreth 20 mijë veteranë të cilët po hetohen nga prokuroria. Lajmi.net gjatë këtyre ditëve ka publikuar emrat e veteranëve të cilët prokuroria ka cilësuar se kanë përfituar jashtëligjshëm. Mirëpo, në këto lista u vërejten edhe shumë emra të cilët pretendojnë se kanë prova që kanë qenë pjesë e UÇK-së deri në fund të luftës.

E emrin e tij në këtë listë të prokurorisë, e gjeti edhe vetë djali i axhës së Elez Blakajt, Burim Blakaj.

Lajmi.net ka kontaktuar sot me Burim Blakajn, i cili thotë se për të bëmat e tij e di e gjithë fshati dhe komuna. Ai tutje sqaron se kontributin të cilit ai konsideron se i takonte e ka dhënë, dhe se nuk ka qenë asnjëherë person që vrapon pas parave.

Ai sqaron se pjesë e luftës ishte që nga viti 1998.

“Kam vendosur të heshtë, jo pse Elezin e kam timin, por njëmend duhet të pastrohen listatë njëherë e përgjithmonë. Unë isha në luftë nga 98-ta, më njeh lagja ime, fshati e Komuna. Nëse e meritoj të jem veteran e gëzofsha, nëse jo nuk brengosem fare. Kam japur kontributin tim që më ka takuar dhe nuk jam njeri që vrapoj pas parave. Tek familja ime, zoti yne e di që jam i pastër si loti. Para s’kam japë si shumë të tjerë, andaj do ja lë kohës”, ka thënë Blakaj për lajmi.net.

E megjithëse emri i tij figuron në listat e prokurorisë, Blakaj përgëzon ish-prokurorin për punën e bërë.

Sipas tij, Elez Blakaj me veprimtarinë e deritanishme, ka zbardhur shumë të vërteta.

“Elezin e kam djalë axhe, dhe për asgjë në botë nuk do ta njollosja, sepse e njoh mirë. Atij i lumtë që ka zbardhë shumë të vërteta, e unë lutem që këto lista të përfundojnë ashtu që secilit t’i jipet ajo çka e meritojnë. Unë i përulem çdo ushtari të vërtetë, edhe nëse në istikame ka qëndruar një minut të vetëm, ngase këtë e ka bërë me zemër e nuk ka menduar asnjëherë për pasuri, por për atdhedashuri”, ka përfunduar Blakaj për lajmi.net.

Kujtojmë se aktakuzë është ngritur ndaj 12 anëtarëve të Komisionit Qeveritar për verifikimin e statusit të veteranit.

Aktakuza është ngritur ndaj: Agim Çekut, Nuredin Lushtakut, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë