Loading…
‘Bosi i krimit’ në Veri takohet me Haradinajn në zyren e tij
  • 12/07/2018 | 17:47

...

Milan Radojcic, serbi i cili dyshohet të jetë numri një në Mitrovicën e Veriut është pritur në një takim me kryeministrin e Kosovës, Ramush Haradinaj. Radojecic me veti kishte edhe kryetarin e Listës Serbe, Goran Rakic.

Haradinaj përmes një njoftimi nga zyra e tij ka thënë shkurt se arsyeja e kësaj vizite nga Rajdojcic dhe Rakic ishte për të diskutuar rreth zhvillemeve të fundit në Kosovë, me theks të veçantë për aspektet e sigurisë.

“Në këtë takim u diskutua për situatën e përgjithshme në vend, me theks te veçantë për aspektet e sigurisë si dhe zhvillimit ekonomik e social”, thuhet në një komunikatë dërguar për media nga Zyra e kryeministrit.

Radojicic është babai i gruas se Zvonko Veselinovicit, i hetuar një kohë të gjatë në Kosovë dhe i dënuar në Serbi. Pas burgosjes së Veselinovicit në Serbi, kontrollin në veri të Kosovës e ka marrë Radojçic.

Dyshohet se njësitë kundër krimit të organizuar të EULEX-it që kanë hetuar Veselinovicin, përfshirë vjehrrin e tij, Radojicic. Mes krimeve të tij siç është kontrabanda e naftës, drogës, e mallrave tjera, Radojicic ka kërcënuar dhe rrahur në shumë raste policë të Kosovës.

Ai ka qenë i dënuar në vitin 2003 me vendim të formës së prerë me gjashtë muaj burgim për vjedhje të rëndë.

Kryeministri Haradinaj edhe më parë e kishte pranuar se takohet me Radojcicin, por kishte thënë se këtë e bën pasi ai është personi i cili pyetet në Veri, dhe interes i tij si kryeministër është që shteti i Kosovës të ketë çasje në këtë pjesë të territorit të vet. Haradinaj kishte thënë atij si kryeministër i intereson Veriu i vendit, dhe futjen e kësaj pjese të territorit nën administrimin e shtetit, do ta bënte edhe me Radojcicin, ngase ai është autoritet në atë pjesë.

Gjithashtu, duhet theksuar se Radojcic së fundmi edhe zyrtarisht drejton Listën Serbe, subjektin kryesor politik të serbëve në Kosovë. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë