Loading…
Çitaku i përgjigjet Dacic’it në OKB, flet për marrëveshjet e Brukselit
  • 14/11/2017 | 18:36

...

Ambasadorja e Kosovës në SHBA, Vlora Çitaku ka folur në Këshillin e Sigurimit të OBK-së ku po diskutohet për Raportin tremujor për Kosovën.


Çitaku fillimisht ka demantuar ministrin e Jashtëm serb, Ivica Dacic për ato që ka thënë paraprakisht, se nga Kosova janë larguar 200 mijë serbë që nga paslufta dhe se nuk respektohen të drejtat e tyre.

Dacic kishte thënë që kanë shkuar katër vjet e gjysmë nga arritja e marrëveshjes në Bruksel, për krijimin e Asociacionit të Komunave me Shumicë Serbe.

“Do t’i realizojmë të gjitha marrëveshjet e arritura në Bruksel”, ka qenë përgjigja e Çitakut, njofton Klan Kosova.

“Ka pasur ngecje por përkushtimi ekziston, Kosova dëshiron proces që do të çojë deri te normalizimi i plotë i marrëdhënieve të të dyja shteteve. Shteti nikoqir i këtij vitit të Asamblesë së Interpol nuk u ka lejuar anëtarëve të delegacionit të Kosovës të marrin vizat. Kjo ka shkaktuar tërheqjen e aplikimit për këtë vit”, tha Çitaku.

“Vetëm dje në Kosovë pesë anëtarë të komunitetit jo shumicë janë graduar me grada të larta të FSK-së. Ushtria e Kosovës do të jetë moderne. Askush nuk do të ketë fuqi të vendosë veto mbi të”.

Më tej Çitaku ka folur sa i përket shtetësisë së Kosovës, që sipas saj është e pakontestueshme dhe e konfirmuar në organizma ndërkombëtar.

“Gjykata Ndërkombëtare e Drejtësisë ka konstatuar se Kosova nuk ka thyer asnjë ligj të drejtësisë ndërkombëtare. Derisa po i afrohemi dhjetë vjetorit të pavarësisë, kemi arsye për të qenë shumë krenar. Kosova ka bërë ngritje në të bërit biznes. Sportistët e kanë ngritur Kosovën në Olimpiadë, duke ngritur flamujt në vendet ku politika nuk ka mundur”, ka thënë ajo.

“Institucionet e Kosovës e kanë kaluar një rrugë të gjatë për të akomoduar të drejtat e komuniteteve jo shumicë. Komuniteti serb në qeverinë aktuale, përfaqësohet me zëvendëskryeministër, ministra dhe zëvendësministra. Pretendimi se 200 serbë janë të zhvendosur nga Kosova është e pasaktë, sikur kjo të ishte atëherë asnjë serbë nuk do të jetonte sot në Kosovë”.

“Sipas regjistrimit të vitit 1991, numri i serbëve ka qenë 194 mijë. Sot nuk dihet numri i serbëve që jeton në Kosovë. Është për të ardhur keq që një periudhë kur duhet ta përmbyllim dialogun me Serbinë, përfaqësuesit e saj vazhdojnë me deklarata me të gjitha llojet për ta rishkruar historinë”

“Madje duke zgjedhur Vukotiqin, kriminel lufte që të ligjërojë në akademinë ushtarake. Ky është një refuzim i rrezikshëm i së vërtetës për luftën. Është sikur ne të angazhojmë një hajn të ruaj bankat tona”, ka shtuar Çitaku ndër të tjera.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë