Loading…
Dështimi i zbatimit të kodit +383, i kushton Kosovës miliona euro
  • 05/06/2018 | 08:23

...

Mbi 200 milionë euro i ka kushtuar Telekomit të Kosovës shfrytëzimi i kodit telefonik të Monakos (+377) për 18 vjetët e pasluftës.


E me gjithë që Kosovës i është ndarë kodi i saj shtetëror para më shumë se 1 viti, Telekomi nuk i ka kryer obligimet e veta për implementimin e plotë të tij, shkruan sot Koha Ditore.

Si pasojë e kësaj, ndërmarrja publike e cila është në prag të falimentimit, do të vazhdojë t’i paguajë miliona euro “Monaco Telecomit” edhe për të paktën 5 muaj.

Një javë më parë, Bordi i Autoritetit Rregullativ të Komunikimeve Elektronike dhe Postare (ARKEP) ka vendosur që datën e paraparë për përfundimin e transferimit të plotë në kodin e ri, ta shtyjë nga 1 qershori sa ka qenë, deri më 31 tetor të këtij viti.

Në vendimin e tij, ky autoritet arsyeton se operatorët janë duke u ballafaquar me disa sfida gjatë kalimit në kodin e ri, e në veçanti nga Telekomi i Kosovës, për shkak të gjendjes së rënduar financiare në të cilën aktualisht është.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë