Loading…
Duket e pabesueshme, por zbulohet birra 13 mijë vjeçare |FOTO
  • 16/09/2018 | 10:27

...

Disa arkeologë njoftojnë se në një shpellë në Izrael gjendet punishtja e birrës më e vjetër në botë. Punishtja sipas kërkuesve është 13.000 vjeçare dhe është gjetur në një shpellë afër Haifës në Izrael.

Zbulimi u bë ndërsa ata po studionin një varreze të gjahtarëve gjysmë nomadë. Shpikja dhe përpunimi i birrës është menduar se ka ndodhur 5.000 vjet më parë, por zbulimi i fundit duket se do e ndryshojë këtë të dhënë.

Studimet gjithashtu tregojnë se elementet e birrës nuk ishin domosdoshmërish të përdorshëm për të bërë bukën, siç është bërë zakon të mendohet.

Studiuesit thonë se nuk kanë arritur të gjejnë se cili ishte funksioni i pare i birrës. Por në një studim tek “Journal of Archeological Science”, thuhet se birra përdorej në festat rituale të nderimit të të vdekurve.

Birra e lashtë, që ishte më shumë si qull ose si një përpunim i lëngët i grurit, mendohet të jetë parë dhe shijuar shumë ndryshe nga birra që ne njohim dhe shijojmë sot.

Ekipi hulumtues ka arritur të rikrijojë prodhimin e lashtë, për ta krahasuar atë me mbetjet që gjetën. Kjo përfshiu fillimisht përpunimin e grurit për të prodhuar malt, me pas ngrohjen e puresë së dalë dhe fermentimin e saj me maja të egër. Pija alkoolike e lashtë u fermentua me sukses, por në shije rezultoi shumë më ndryshe se birra moderne.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë