Loading…
Durrës: Vajza topless do hidhej nga ballkoni, po bashkëjetonte me italian (Foto)
  • 12/08/2017 | 22:58

...

Një vajzë e re nga Maqedonia, që kishte shkuar për pushime në Shqipëri, dhe ishte njoftuar me një italian përmes Facebook’ut, ka tentuar të hidhet nga ballkoni i banesës ku po bashkëjetonin. 


Shtetasi italian u ka thënë autoriteteve policore shqiptare, se nuk e kishte të qartë pse vajza e bëri këtë veprim, ngase ata deri në atë moment po kalonin mirë.

“Nuk e di çfarë ndodhi. Unë isha në gjumë dhe u zgjova prej të bërtiturave të saj. Unë nuk kam lidhje me këto veprime te saj. Nuk kemi debatuar. Kemi dhjetë ditë që njihemi nga rrjeti social dhe vendosëm të qëndrojmë të dy në apartamentin e saj. Gjithçka po shkonte shumë mirë. Nuk di çfarë të them, herë- herë shfaqte luhatje të personalitetit dhe bëhej shumë histerike. Ne jemi njohur rreth dy javë më parë, por nëse do ta kisha pikasur se ishte me probleme mendore, do të isha larguar”, ka pohuar ndër të tjera shtetasi italian, i cili kishte ardhur në Durrës për të kaluar pushimet verore bashkë me vajzën 27-vjeçare nga Maqedonia, shkruan Panorama.

Dy të rinjtë, vajza maqedonase dhe djali italian kishin krijuar lidhje dashurie pasi ishin njohur përmes rrjetit social “Facebook”. Mësohet se prindërit e vajzës jetojnë në Itali dhe ajo e ndante jetën e saj duke jetuar për periudha të shkurtra në Maqedoni, vendi i saj i lindjes, Itali ku jetojnë dhe punojnë prindërit e saj, si dhe Shqipëri ku kalojnë shpesh pushimet verore.

Pasi kishin nisur të komunikonin në “Facebook” dhe kishin shprehur pëlqim për njëri-tjetrin, dy të rinjtë kishin vendosur për të kaluar disa ditë pushime në bregdetin e Durrësit, duke qenë se në këtë qytet familja e vajzës posedon dhe një apartament për pushime. Gjatë kohës që dy të rinjtë do të qëndronin në Durrës, mësohet se prindërit e vajzës nga Maqedonia ndodheshin në Itali.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë