Loading…
Glauk Konjufca: Kur po e ndajke mendjen njeri, badihava po negociojshe
  • 13/06/2018 | 22:48

...

Shefi i Grupit Parlamentar të Lëvizjes Vetëvendosje, Glauk Konjufca, ka folur për rolin e tij prej negociatori para ndarjes së Vetëvendosjes.


Analisti Imer Mushkolaj e quajti Konjufcën negociator të dobët, gjatë kohës kur ai dhe Shpend Ahmeti po udhëhiqnin negociatat mes VV-së dhe deputetëve të dorëhequr, të cilët i janë bashkuar Partisë Socialdemokrate.

Në anën tjetër, Konjufca në Debat Plus me Ermal Pandurin tha nuk ka qenë negociatori më i mirë i mundshëm. Por, ai ka thënë se nuk është faji i tij.

“Kur po ndake mendjen njeri, badihava po negocioishe. Nuk varet prej shkathtësive të mia”, ka thënë Konjufca.

Tutje, ai ka folur edhe për fjalimin e djeshëm të kryetarit të Lëvizjes Vetëvendosje, Albin Kurti, i cili në fjalimin e tij për 13 vjetorin e themelimit të Lëvizjes Vetëvendosje, tha se VV është e vetmja parti socialdemokrate në Kosovë.

Konjufca nuk u pajtua me këtë qëndrim të shefit të tij.

“VV nuk mundet me kriju monopol mbi socialdemokracinë, mbi një ideologji që është universale. Për shembull, në Itali janë katër parti socialdemokrate. Edhe në Kosovë mundet me pas më shumë”, tha Konjufca tutje.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë