Loading…
Haradinaj i del në krah Albin Kurtit, kërkon imunitet
  • 07/12/2017 | 11:44

...

Ramush Haradinj tha sot se shpreson të mos i shohë deputetët me pranga në gjykatë.


Duke folur për programin qeveritar të katër vjetëve të ardhshëm, Kryeministri Ramush Haradinaj tha sot se shpreson që të rregullohet imuniteti i deputetëve.

“E shpresoj që të rregullohet edhe imuniteti i deputetëve, e mos t’i shohim qysh i shohim sot me pranga në gjykatë”, tha Haradinaj.

Ai foli edhe për sundimin e ligjit.

“Institucionet e sundimit të ligjit do të reformohen dhe avancohen. Do të zgjidhen rastet e shumta që kanë mbetë nëpër gjykata”, tha Haradinaj.

Kryeministri tha se gjatë mandatit të tij do të realizohen “projekte të mëdha zhvillimore. Njëherë e përgjithmonë do të zgjidhim problemin me energjinë elektrike. Synojmë të zhvillojmë ndërmarrjet e vogla dhe të mesme”.

Ai deklaroi se do të thellojë bashkëpunimin me ShBA-në dhe BE-në, ndërsa përmendi edhe dialogun me Serbinë.

“Ne synojmë marrëdhënie fqinjësore edhe me Serbinë. Në këtë kuadër kemi kërku që SHBA të jetë në tavolina, ky dialog të këtë afatizim dhe përmbyllja të jetë njohja reciproke”, tha Haradinaj.

Ai fjalën e tij e mbylli me konstatimin se programin deputetët e kanë të shkruar dhe nuk do t’i lodhë ata më shumë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë