Loading…
I madhi De Rossi: Nuk duhet të futem unë, Insigne është më i vlefshëm
  • 14/11/2017 | 08:40

...

Mesfushori i Romës, Daniele De Rossi, ishte në bankën e rezervistëve në ndeshjen e mbrëmshme të Italisë ndaj Suedisë në fazën “play-off” për Kupën e Botës Rusia 2018.


Mediat italiane e kanë kapur momentin kur mesfushori debaton ashpër me stafin e trajnerëve, kur këta të fundit i kërkojnë të futet në fushë, transmeton Express.

Italia nuk arriti të kualifikohet për Kupën e Botës, pasi barazoi në shtëpi ndaj Suedisë. Ndeshjen e parë e fituan suedezët 1-0.

“Po ku të shkoj unë, nuk e kuptoni se na duhet të shënojmë gol dhe jo të mbajmë barazimin?”, i thotë më zë të lartë De Rossi njërit prej pjesëtarëve të stafit të trajnerit Ventura.

Sipas mediave italiane, ai ka dashur të Insigne i Napolit të futej në lojë e jo vetë ai.

Pas ndeshjes, kapiteni i Romës shpjegoi episodin për mediat: “Kam 20 vite përvojë në Koverçiano dhe e kuptoj mirë se çfarë duhej në ato momente. Doja të jepja një indikacion taktik dhe nuk doja të fyeja askënd. Më kërkuan të futesha unë, por na duhej goli dhe rekomandova menjëherë Insignen, sepse ai ishte më i vlefshëm sesa unë në ato momente. Unë doja të luaja, pro më tepër doja të shënonim”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë