Loading…
Kampioni i botës Wilder: Joshua ka frikë nga unë, s’pranon…
  • 13/03/2018 | 19:11

...

Kampioni i botës në peshat e rënda në boks në kategorinë WBC, amerikani Deontay Wilder, ka deklaruar sot se deri më tani nuk ka marrë asnjë ofertë zyrtare nga Eddie Hearn, menaxheri i kampionit tjetër të botës në këtë peshë, Anthony Joshua, për një përballje mes tyre.


“Të vetmen gjë që më kanë ofruar është një duel me Dyllian White, por kjo sfidë nuk ka asnjë të afërt me një duel mes meje dhe Joshua”, tha Wilder për mediat. Kampioni amerikan siguroi fitoren e 40-të në karrierën e tij më 3 mars, kur mundi me “KO” kubanezin Luis Ortiz.

Boksieri britanik Anthony Joshua

Wilder ka konfirmuar edhe një herë objektivin e dëshirën e tij për të dueluar me Joshua, për të unifikuar titujt kampionë bote, por britaniku do të duelojë me Joseph Parker më 31 mars, në Kardif. “Ata nuk duan që kjo përballje të ndodhë dhe sajojnë sfida të ndryshme për të evituar që të kemi një unifikim të titujve kampionë bote. Nuk kemi diskutuar asgjë në lidhje me një duel mes meje dhe Joshua nuk më kanë bërë asnjë ofertë. Ende nuk e kuptoj se përse refuzojnë ta organizojnë një përballje të tillë, përse e mbrojnë Joshua”, tha Deontay Wilder.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë