Loading…
Kosova humb mbi 24 mijë punëtorë, i lanë punët se morën viza
  • 01/10/2018 | 13:46

...

Punësimi sezonal i qytetarëve të Kosovës, në vendet perëndimore po i kushton Kosovës me humbje të fuqisë punëtore.

Që nga tre mujori i tretë i vitit 2017, Kosova supozohet t’i ketë humbur plot 24 mijë e 100 vende pune, bazuar në statistikat e Agjencisë së Statistikave të Kosovës (ASK), të cilave iu referohet drejtori i Odës Ekonomike të Kosovës(OEK), Berat Rukiqi.

Kështu është deklaruar gjatë prezantimit të Indikatorit të Matjes së Klimës së Bizneseve për tre mujorin e dytë të këtij viti.

“Që nga tre mujori i tretë i vitit 2017 e deri tash Kosova ka humbur 24 mijë e 100 vende të punës që e vërteton pritjen me matje të ASK-së. Janë supozime se një pjesë e njerëzve kanë marrë viza pune dhe vendet nuk janë zëvendësuar”, ka thënë Rukiqi teksa ka prezantuar të gjeturat dhe shqetësimet e bizneseve.
Oda Ekonomike e Kosovës, në konferencën e mbajtur përveç prezantimit të raportit për Indikatorin e Matjes së Klimës së Bizneseve për tre mujorin e dytë të këtij viti ka pasqyruar shqetësimet e bizneseve kosovare.

Referuar prezantimit për vjedhjet e grabitjet tek bizneset, drejtori i Odës Ekonomike te Kosovës (OEK), Berat Rukiqi ka paralajmëruar dërgimin e një letre drejtorit të Policisë dhe Prokurorisë, për hetimin e rasteve të vjedhjeve dhe grabitjeve të cilat nga gushti e deri më tani janë shënuar 7 vjedhje të bankave.

Ndërsa, në përgjithësi u alarmua për nivelin e ulët të kënaqshmërisë dhe pritjeve të bizneseve.

“Kemi ulje të nivelit te kënaqëshmërisë së bizneseve. Përkeqësim të gjendjes së bizneseve. Kemi pasur ngritje nga fundi i vitit kur është zgjedhur Qeveria”, ka përfunduar Rukiqi.

Si barriera u përmenden ekonomia jo formale, e mungesa e mjeteve financiare.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë