Lideri i partisë më të vjetër të boshnjakëve në Kosovë, Numan Balic, ka treguar gjasat dhe procedurat që Bosnja e Hercegovina ta njohë Kosovën si shtet. Në një intervistë, Balic ka thënë se fakti që Serbia është panik nga deklarata e Izetbegoviqit, tregon se Bosnja është afër njohjes së pavarësisë së Kosovës.
“Ne kemi dhjetëra mijëra boshnjakë që kanë të afërm dhe jetojnë në Kosovë. Është paradoksale se ata mund të shkojnë në Serbi, por jo edhe në Bosnje. E përshëndesim deklaratën e Izetbegoviqit. Me të vërtetë është deklaratë e qëlluar, edhe pse konsideroj se kjo duhej të bëhej më herët.
Ne përfaqësuesit e SDA-së kemi qenë për të biseduar në gushtin e kaluar direkt me zotëriun Izetbegovic nga i cili kemi kërkuar dy gjëra, që të pranohet Kosova dhe që ai të vizitoi Kosovën, shkruan Indeksonline.
Kryesia e Bosnjës është ajo që vendos për njohjen gjë të cilën e bën sipas konsensusit. Aty është anëtar përfaqësuesi boshnjak, Izetbegoviqi, një përfaqësues serb dhe një boshnjak.
Unë besoj se anëtari kroat do të pajtohet për pranimin e pavarësisë së Kosovës, ashtu siç sigurisht se do të bëjë edhe Izetbegoviqi.
Megjithatë, kjo nuk do të bëhet aq shpejt pasi që ndikimi nga jashtë do të jetë i madh për të zvarritur këtë proces. Por, jam i bindur se kjo do të bëhet, pa dhënë kohë të caktuar”, ka thënë Baliq.