Loading…
Ky është personi që mund të nisë Luftën e Tretë Botërore (Foto)
  • 10/08/2017 | 22:42

...

Tensionet mes SHBA-së dhe Koresë së Veriut janë në pikën më kritike, në një kohë kur të dyja vendet kërcënojnë me luftë. Por, ekziston një person që mund të jetë më i rrezikshëm nga sa duket.


Ai shfaqet gjithmonë duke buzëqeshur dhe duke bërë shaka me vartësit, por është më i rrezikshëm nga sa tregon pamja e tij e jashtme.

Gjenerali Kim Rak-gyom është “hija” e diktatorit koreano-verior Kim Jong Un, shkruan “Daily Mail”.

Sipas tabloidit britanik, ai është shefi i komandës raketore të Koresë së Veriut dhe besohet të jetë përgjegjësi për lëshimin e raketave balistike, vetëm duke shtypur “butonin”.

Që prej vitit 2012, Gjenerali Kim Rak-gyom drejton komandën raketore dhe gjithmonë shfaqet prapa krahëve të Kim Jong Un gjatë testimit të raketave balistike.
Deklaratën e Presidentit Trump që kërcënoi Korenë Veriore me “zjarr dhe tërbim”, Kim Rak-gyom e cilësoi si të pakuptimtë, përcjell tvklan.al.

Ai tha se Koreja e Veriut planifikon të lëshojë 4 raketa në të njëjtën kohë në ishullin Guam (territor i SHBA), që do të duhet ekzaktësisht 17 minuta e 45 sekonda për ta goditur.

Gjenerali Kim Rak-guom shihet shpesh në fotot e shpërndara nga regjimi diktatorial kur Kim Jong Un teston raketat, por për të dihet shumë pak.

Korea e Veriut ka deklaruar se është duke përgatitur planin për të goditur ishullin Guam ku ndodhet një bazë ushtarake e SHBA, dhe kjo gjë, sipas shtetit komunist, do të ndodhë në mes të gushtit.

\

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë