Loading…
Lekaj: Edhe një deputet dhe po mbyllet çështja e demarkacionit
  • 14/03/2018 | 17:17

...

Ministri i Infrastrukturës, Pal Lekaj ka komentuar për bisedimet që kryeministri Ramush Haradinaj, po i zhvillon me Listën Serbe për demarkacionin.


Lekaj ka thënë se tashmë i kanë siguruar 79 vota, nga ana tjetër shprehet i bindur se do të sigurojnë shumë shpejt edhe një votë dhe çështja e demarkacionit të mbyllet një herë e mirë.

“Mund të them se tani i kemi 79 vota që janë siguruar dhe në ditët në vijim do ta kemi edhe një deputet që do të gjendet dhe do të ratifikohet marrëveshja me Malin e Zi, që tani është një realitet i ri i krijuar sa i përket demarkacionit, sepse kemi dy marrëveshje. Një marrëveshje e kemi në mes dy presidentëve, atij të Republikës së Kosovës (Hashim Thaçit) dhe atij të Malit të Zi (Filip Vujanoviq). Po ashtu janë të gjeturat e raportit të Komisionit Shtetërorë, z.Bulliqit ta quajmë, kjo është një realitet i ri që nuk duhet të hezitohet por duhet të votohet”, ka thënë ai për lajmi.net.

Sa i përket bisedimeve me Listën Serbe, e cila është pjesë e koalicionit Qeverisë por po deklarohet se nuk do ta votojë këtë marrëveshje, Lekaj ka thënë:

“Lista Serbe në përgjithësi serbët e Kosovës janë qytetarët e Kosovës, ata duhet të fokusohen në mirëqenien e tyre, të mos komunikojnë shpesh me Beogradin sepse drejtimi i tyre i qon kah Prishtina e jo nga Beogradi”, ka deklaruar më tutje ministri.

Se cilat kanë qenë kushtet e Listës Serbe për votimin e demarkacionit, kur do të përfundojnë projektet madhore që ka nisur kjo ministri, a kanë filluar bisedimet me Komunën e Prishtinës për pjesën problematike të Veternikut dhe çështje të tjera do të mund t’i ndiqni nesër në intervistën e realizuar me ministrin Lekaj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë