Loading…
Mbi 4 milionë euro për rrugët që dërgojnë në Prevallë dhe Brezovicë
  • 09/08/2018 | 11:12

...

Ministri i Infrastrukturës, Pal Lekaj ka bërë të ditur se janë ndarë mbi 4 milionë euro për dy degëzime që dërgojnë për në Prevallë dhe në Brezovicë.


Sipas Lekajt, ky investim do të mundësojë qasje më të lehtë në bukuritë e këtyre dy vendeve.

Njoftimi pa ndërhyrje i Lekajt:

Mbi 4 milion euro për rehabilitimin e rrugëve regjionale, R115 dhe R210, dy degëzime që të dërgojnë për në Prevallë dhe në Brezovicë.

Ky investim do të mundësojë qasje me të lehtë në bukuritë e Prevallës dhe Brezovicës, komunikim më të shpejtë për komunitetin që jeton në këtë zonë dhe rritje të kapaciteteve për zhvillim të turizmit.

Investimi do të ndodhë edhe në zonën e Komunës së Shtërpcës e për të diskutuar lidhur me këtë investim që do të bëjë Ministria e Infrastrukturës, sot e prita në takim kryetarin, Bratislav Nikoliq, të cilin e njoftova se si Ministri në këtë pjesë të R115, do të investojmë 1.2 milion euro dhe do të ndërtojmë një infrastrukturë me të gjitha elementet përcjellëse.

Përmes investimeve në zonat e mrekullueshme malore të Kosovës, ne vendin tonë e afrojmë edhe më tepër me turistët dhe investitorët.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë