Loading…
Merkel e Putin zgjedhin natyrën “për të qarë hallet e botës”
  • 18/08/2018 | 23:26

...

Duke qëndruar pranë Putinit, Merkel tha se të dy vendet, por sidomos Rusia si një anëtare e përhershme e Këshillit të Sigurimit të Organizatës së Kombeve të Bashkuara, kishin një përgjegjësi për të trajtuar këto probleme.


Ajo tha se kishte planifikuar të ngrinte çështjet e të drejtave të njeriut me Putinin dhe të diskutonte marrëdhëniet dypalëshe, të tendosura që prej aneksimit të rajonit të Krimesë në Ukrainë, nga ana e Rusisë në vitin 2014.

“Unë jam i mendimit se çështjet e diskutueshme mund të adresohen vetëm te dialogu dhe të zgjidhen vetëm përmes dialogut,” tha ajo.

Të dy liderët ngritën shqetësime rreth Sirisë dhe gjendjes së vështirë të refugjatëve të shumtë, të krijuar nga lufta shtatëvjeçare atje.

Merkel tha se ishte e rëndësishme të shmangej një krizë humanitare në Idlib, Siri dhe rajonin përreth, ndërsa theksoi se ajo dhe Putin kishin diskutuar tashmë çështjen e reformave kushtetuese dhe zgjedhjet e mundshme, kur u takuan së fundi në Soçi në muajin maj.

Putin u tha gazetarëve se gjithçka duhet bërë për të ndihmuar refugjatët sirianë të kthehen në vendin e tyre dhe se Siria ka nevojë për ndihmë për rindërtimin.

Sa i përket Ukrainës, Merkel tha se shpresonte që të bëheshin përpjekje të reja në fillim të vitit shkollor, për të shmangur forcat ushtarake dhe separatistët ukrainas në linjat e para në rajonin Donbass.

Për tubacionin e planifikuar Nord Stream 2, për të transportuar gazin rus nën Baltik, me destinacion Gjermaninë, Merkel tha se Ukraina duhet të vazhdojë të ketë një rol në tranzitin e gazit në Evropë dhe përshëndeti fillimin e diskutimeve midis Bashkimit Evropian, Ukrainës dhe Rusisë për këtë çështje.

Putin u tha gazetarëve se një veprim i tillë duhej të kishte kuptim nga perspektiva e biznesit. “Do të doja të theksoja se gjëja kryesore është se tranziti ukrainas, i cili është tradicional për ne, i plotëson kërkesat ekonomike”, tha ai.

Shtetet e Bashkuara po e shtyjnë Gjermaninë të ndalojë punën në tubacionin nën Baltik, duke argumentuar se kjo do të rrisë varësinë e Gjermanisë nga Rusia për energji.

Ukraina ka frikë se tubacioni do të lejojë Rusinë të shkëpusë atë nga biznesi i tranzitit të gazit, ndërsa fqinjët e Evropës Lindore të Gjermanisë, të shqetësuar nga shkeljet e Rusisë, kanë ngritur shqetësime rreth projektit.

Putin mbërriti në Gjermani të shtunën mbrëma pas një ndalese në një fshat austriak për të marrë pjesë në martesën e ministres së jashtme Karin Kneissl me sipërmarrësin Wolfgang Meilinger./TCh

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë