Loading…
Mogherini konfirmon: Thaçi e Vucic takohen të mërkurën për dialogun
  • 12/07/2018 | 08:54

...

Dialogu mes Kosovës dhe Serbisë, i ndërmjetësuar nga Brukseli zyrtar, tashmë ka hyrë në fazën më të rëndësishme dhe intensive, shkruan Gazeta Metro.

Përfaqësuesja e Lartë e Bashkimit Europian për Politikë të Jashtme dhe Siguri, Federica Mogherini, ka konfirmuar që takimi i radhës mes presidentit të Kosovës, Hashim Thaçi, dhe atij të Serbisë, Aleksandar Vucic, do të mbahet më 18 korrik, ditë e mërkurë, në Bruksel.

Në një njoftim të lëshuar nga Zyra për Media e Shërbimit të Jashtëm të BE’së thuhet që takimi i radhës mes dy presidentëve do të shërbejë që palët të njoftohen me progresin e arritur dhe nevojën për vazhdim të procesit.

“Ajo [Mogherini] do të rishikojë përparimin e arritur në bisedimet për marrëveshjen gjithëpërfshirëse për normalizim dhe planin për hapat dhe takimet e mëtejme, në mënyrë që të sigurohemi që puna mes dy vendeve do të vazhdojë me intensitet të shtuar”, thuhet në njoftimin e Zyrës së Mogherinit.

Hera e fundit kur dy presidentët u takuan në Bruksel në kuadër të dialogut ishte e diela e 23 qershorit. /gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë