Loading…
Mustafa që e la Telekomin pothuajse të falimenduar, mburret me punën e tij
  • 12/07/2018 | 23:02

...

Ish-kryeshefi ekzekutiv i Telekomit të Kosovës, Agron Mustafa i cili u largua nga ndërmarrja publike më profitabile në vend, duke e lënë atë në gjendje ekstrem të rëndë financiare, edhe pse kur e kishte marrë drejtimin e saj kishte qenë në gjendje shumë më të mirë, nuk e ka problem të mburret me punën e tij. Madje, ai ka guximin edhe të kritikojë menaxhmentin aktual, duke thënë se kanë mungesë guximi për t’u përballur me gjendjen në Telekom.


Mustafa në “Debat Plus” me Ermal Pandurin në RTV Dukagjini, ka thënë se ai ka gjetur shumë më tepër probleme në Telekom, se që u ka lënë pasardhësve.

“Deri në vitin 2008 Telekomi i Kosovës është menaxhuar nga AKM”, tha ai.

Mustafa ka thënë se deri në vitin 2008 janë grumbulluar fonde ndër vite, prandaj dividenta nuk mund të ishte e njëjtë edhe në vitet paraprake.

Mustafa ka thënë se gjendja në Telekom është e vazhdueshme dhe nuk lidhet me një periudhë të caktuar.

Ish-kryeshefi ekzekutiv i Telekomit të Kosovës ka thënë se para tij menaxherët kanë punësuar mbi njëmijë persona.

“Kur unë jam larguar nga drejtimi i menaxhmentit të PTK-së, kam lënë 40 punëtorë më pak se numri kur kam marrë detyrën”, ka deklaruar Mustafa.

Mustafa ka paralajmëruar se gjendja në PTK do të përkeqësohet shumë më tepër se në periudhën e tij.

“Asgjë nuk ka ndodhur në Telekom në periudhën time, çka do të ndodh tani”.

Sipas Mustafës rënia e Telekomit është ndalur në periudhën kur ai ishte drejtues.

“Kur unë kam marrë Telekomin, e kam ndalur rënien e mëtejme”.

Mustafa ka thënë se menaxhmenti aktual nuk ka guxim të reduktoj pagat e punëtorëve të Telekomit, prandaj sipas tij gjendja vështirë se mundë të përmirësohet.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë