Loading…
Një copëz histori në ankandin e Parisit
  • 22/11/2017 | 17:05

...

Ofertuesit do të munden të garojnë për një copëz histori, për një vlerë me gjashtë shifra të dielën, kur një gjethe e vogël e artë nga kurora e perandorit francez Napoleon Bonaparte do të dalë në ankand afër Parisit.


Me peshë 10 gramë dhe e vogël aq sa të mbështillet nga pëllëmba e dorës, gjethja mund të duket jo shumë domethënëse, por organizatorët e ankandit thonë se ajo përfaqëson pushtetin e njeriut, perandoria e të cilit dikur shtrihej nga Barcelona deri në Hamburg.

“Napoleoni është një karakter në historinë botërore dhe kjo gjethe e vogël, pasi është e vogël, simbolizon shkallën e sagës së Napoleonit”, tha Jean Pierre Osenat, organizator i ankandit.

Ajo ishte krijuar për ceremoninë e kurorëzimit, por nuk u vendos asnjëherë në kokën e perandorit. Napoleoni u ankua se kurora origjinale ishte shumë e rëndë, ndaj 6 prej gjetheve u hoqën nga një argjendar para ditës së madhe.

Argjendari ua dha ato 6 vajzave të tij. Ajo që do të dalë tani në ankand ka qëndruar që atëherë në shtëpinë e argjendarit. Kurora origjinale e frymëzuar nga Jul Cezari mbante 50 gjethe dhe u prodhua në vitin 1819. Gjethja që del tani në ankand pritet të shitet nga 100 deri në 150 mijë euro, por për organizatorët e ankandit, vlera e saj nuk qëndron te pesha e arit, por tek ajo e historisë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë