Loading…
Njerëzit e dashur, kanë shumë borxhe dhe nuk kursejnë
  • 05/11/2018 | 13:32

...

Njerëzit e dashur, të këndshëm kanë më pak kursime, borxh më shumë, vonohen më shpesh me shlyerjen e kredisë dhe kanë më shumë gjasa të përjetojnë falimentimin.

Kjo u zbulua nga një studim i kryer në Shkollën e Biznesit të Kolumbias, që lidh karakteristikat e njerëzve të caktuar me të dhënat mbi financat e tyre.

Autorja e studimit Sandra Metz, eksperte për informatikë nga New Yorku, në bashkëpunim me homologun e saj britanik Joe Gladstone, përdorën një kombinim të pyetësorëve dhe të dhënave bankare të të anketuarve.

Në këtë mënyrë, ata kanë gjetur se njerëzit që arrijnë rezultate më të mira në testet e personalitetit gjithashtu kanë një shans më të madh për të pasur vështirësi financiare, sidomos ata me të ardhura të ulëta, transmeton ksp.

Studiuesit po ashtu kanë analizuar të dhënat personale të miliona njerëzve në SHBA dhe Britaninë e Madhe, me numrin e atyre që nuk mund të paguajnë borxhet e tyre. Ata rivendosën lidhjen midis mirësisë dhe problemeve financiare.

Metz beson se arsyeja për këtë marrëdhënie është se njerëzit e tillë kanë më shumë gjasa për të përdorur një kartë ose i japin hua dikujt edhe kur nuk janë në gjendje ta përballojnë. Pyetja që mund të paraqitet pas kësaj: Çfarë duhet bërë që njerëzit e tillë të merren më me zgjuarsi ndaj këtij problemi?

“Njëra nga mënyrat që dikush t’i bindë ata kur është fjala për para, është që të mos kujdesen vetëm për veten, por edhe për familjet e tyre. Ne kujdesemi për njerëzit që duam, por edhe mungesa e parave dhe borxhet jo vetëm që do të na prekin neve, por të gjithë njerëzit që ne i duam”, tha Metz. Ajo gjithashtu sqaron problemin e pagesës së faturave.

“Kjo është, në fakt, një çështje e marrëveshjes. Pagesa duhet të bëhet në mënyrë proporcionale. Kjo marrëdhënie në familje bën qëndrim të drejtë, pasi nuk është një rrugë me një drejtim”, pohon Metz.

Duke gjykuar nga kjo, njerëzit e dashur dhe të dhembshur duhet të mësojnë si të merren me veten në situata të pakëndshme.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë