Loading…
Njoftimi i fundit nga Facebook rreth privatësisë
  • 29/01/2018 | 10:33

...

Rrjeti social Facebook duket se është detyruar t’i publikojë rregullat e privatësisë, pas ashpërsimit të ligjit të ri të Bashkimit Evropian për të dhënat.


Kështu, Facebook ka njoftuar sot se do t’i publikojë parimet e privatësisë për herën e parë me anë të disa videove edukuese në mënyrë që t’u ndihmojë përdoruesve të kontrollojnë se kush ka qasje në informacionin e tyre, transmeton Reuters.

Këto video do të tregojnë se si të menaxhohen të dhënat të cilat përdoren nga Facebook për të shfaqur reklamat, si të fshihen postimet e vjetra, çfarë ndodhë me të dhënat kur fshihet një llogari, ka thënë shefi për privatësi në Facebook, Erin Egan.

Facebook, që aktualisht ka më shumë se 2 miliardë përdorues në gjithë botën, ka deklaruar se asnjëherë më parë nuk ka publikuar parime të tilla, të cilat tregojnë se si kompania përdorë informacionin e atyre që e përdorin këtë rrjet.

Njoftimet e ditës së sotme, janë shenjë e përpjekjeve për t’u përgatitur para se të fuqizohet Rregullorja e Përgjithshme për Mbrojtje të të Dhënave e BE-së në muajin maj, duke shënuar rishikimin më të madh të rregullave për privatësi, prej funksionalizimit të internetit.

Bazuar në këtë rregullore, kompanive do t’iu kërkohet që brenda 72 orëve të raportojnë ndonjë rast të cenimit të të dhënave, si dhe konsumatorët të kenë mundësi që të bartin dhe fshijnë të dhënat.

“Ne e dimë se njerëzit e përdorin Facebook-un për t’u shoqëruar, mirëpo jo çdokush dëshiron të ndajë gjithçka me secilin, duke përfshirë edhe me ne. Është e rëndësishme që të ofrojmë më shumë mundësi kur është fjala në atë se si përdoren të dhënat”, ka shkruar Egan.

Rregullorja e re rrit mundësinë e dënimit të kompanive, në rast se shkelin ligjin për mbrojtje të të dhënave.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë