Loading…
Numër i madh i shkollave në Kosovë punojnë me planprogram të Serbisë
  • 14/09/2018 | 21:23

...

Ndonëse është në territorin e Republikës së Kosovës, shkolla “Jovan Cvijic” në Shtërpcë asgjë tjetër nuk e lidh me këtë shtet.


Plan programi arsimor në këtë objekt shkollor që mësojnë nxënës serbë të shkollës së mesme të mjekësisë, gjimnazi, ekonomiku dhe teknika, zhvillohet sipas atij të Serbisë, raporton KTV.

Drejtori i kësaj shkolle tregon se asgjë nuk kanë të bëjnë me institucionet e Kosovës.
Përveç kësaj edhe pagat i marrin nga Qeveria Serbe.

“T’ju tregoj se shkolla punon me sistemin e Republikës së Serbisë sipas plan programit të Ministrisë së Arsimit. Shkolla nuk e ka ndërprerë punën me Serbinë siç punohet në Serbi punohet edhe këtu me këtë program. Ne marrim pagën nga buxheti i Serbisë drejtpërdrejt. Ndërsa nga institucione e Kosovës nuk marrin kurrfarë lloj page”, ka thënë Novica Krstic, drejtor i kësaj shkolle.

Për njohësit e arsimit, sistemin paralel të arsimimit serb në territorin e Kosovës më shumë është politik.

Rinor Qehaja ka thënë se shqetësuese është fakti që përmbajtja e librave shkollor konteston shtetësinë e Kosovës.

Ndërsa përkundër që Ministria e Arsimit nuk ka ende diçka konkrete, thotë që është duke bërë një pilot projekt me të cilin do të fillojnë që këto shkolla ti integrojnë gradualisht në sistemin e arsimit të Kosovës.

Ndryshe më shumë se 100 shkolla fillore dhe të mesme funksionojnë sipas plan programit serb dhe kjo u garantohet me anë të Pakos së Ahtisarit.

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë