Loading…
Oda Ekonomike Amerikane përkrahë idenë e ndërtimit të Kosovës së Re
  • 16/11/2018 | 12:18

...

Në një diskutim të hapur me studentë dhe përfaqësues të komunitetit të biznesit, Arian Zeka, kryetar në Odën Ekonomike Amerikane theksoi se Oda që ai përfaqëson ka përkrahur idenë e ndërtimit të Kosovës së Re.


‘Projekti është më se i nevojshëm për ofrimin e sigurisë së furnizimit me energji elektrike edhe për bizneset prodhuese’, ka thënë Zeka gjatë këtij diskutimi.

Oda Ekonomike Amerikane në Kosovë shpreh besimin që një pjesë e konsiderueshme e sfidave me të cilat bizneset janë përballur në fushën e energjisë do të gjente adresën e zgjidhjes përmes ndërtimit të termocentralit “Kosova e Re”.

‘Furnizimi jostabil me energji elektrike përgjatë viteve i ka shkaktuar dëme shumëmilionëshe industrisë vendore si dhe ka penguar fuqizimin e sektorit të prodhimit në vend.’, kishin thënë ata përmes një komunikate për media.

Në anën tjetër, Berat Rukiqi, kryetar në Odën Ekonomike të Kosovës thekson se projekti i Kosovës së Re ka arsyeshmëri të madhe të nxitjes së aftësisë konkurruese të ekonomisë së vendit. Këtë qëndrim ai e bëri të ditur gjatë një emisioni në Zonën e Debatit në Klan Kosova.

“Në matjet e fundit të klimës së bërit biznes në Kosovë, energjia elektrike del të jetë njëra ndër barrierat kryesore për të bërë investime,” shtoi ai tutje.

Sipas raporteve të USAID, vetëm bizneset në Kosovë humbin rreth 415 milion dollarë në vit për shkak të furnizimit jo të rregullt me energji elektrike. Këtë e kishte konfirmuar edhe Ambasadori i sapo-emëruar i SHBA-ve në Kosovë, z. Philip Kosnett.

Linjiti paraqet burimin kryesor natyror për Republikën e Kosovës dhe si i tillë, i njëjti duhet të gjejë shfrytëzim në nxitjen e zhvillimit ekonomik në vend, marrë parasysh edhe teknologjinë e re në këtë fushë, që ka mundësuar që të ulet dukshëm ndikimi në mjedis i burimeve të tilla.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë