Loading…
Pas 8 vitesh kërkim kapet krokodili gjigand që peshon 600 kilogramë |FOTO
  • 11/07/2018 | 20:16

...

Është kapur në Australi një krokodil i ujërave të kripura me gjatësi pothuajse 5 metra dhe peshë 600 kilogramë.

Departamenti i Turizmit bëri të ditur se krokodili u kap rreth 60 kilometra nga qyteti Katherine, duke shmangur kështu mundësinë që të mbërrinte në zonat e populluara.

Ai ishte pikasur për herë të parë në vitin 2010, por u deshën 9 vjet që të rojet ta kapnin duke e vënë fillimisht në gjumë për ta neutralizuar më lehtësisht.

Krokodili 60-vjeçar është më i madhi i kapur ndonjëherë në lumin Katherine, që ndodhet në veri të vendit e do t’i kalojë ditët tashmë në një fermë krokodilësh.

“Vepruam për ta kapur pasi duhet të parandalonim kontaktet me njerëzit”,- tha për mediet Tracey Duldig, drejtore e Departamentit të Kulturës dhe Turizmit.

E njohur më shumë për kangurët, peshkaqenët e rrezikshëm dhe “Djajtë” e Tazmanisë, në Australi jetojnë edhe 150 000 krokodilë. Autoritetet vazhdimisht punojnë për kapjen e tyre që të shmangin kontaktet me njerëzit.

Në vitin 2017, 371 krokodilë u kapën pranë qyteteve veriore si Darwin, Palmerston dhe Katherine, ndërsa këtë vit janë kapur deri tani 190 prej tyre.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë