Loading…
Plazmat nga Serbia të rrezikshme për fëmijët? AVUK jep përgjigjen përfundimtare
  • 13/06/2018 | 16:44

...

Agjencia e Veterinarisë dhe Ushqimit e Kosovës (AVUK) ka bërë kontrollin e biskotave Plazma me orgjinë nga Serbia, të cilat eksportohen në Kosovë dhe që, ditë më parë, u cilësuan si produkt i dyshimtë.


Lamir Thaçi, zëdhënës në AVUK, tha për Radion Evropa e Lirë se dyshimet që janë paraqitur në Slloveni, në lidhje me cilësinë e produktit Plazma, nuk kanë bazë në Kosovë.

“Pas raportimeve nga shteti i Sllovenisë se ka pasur dyshime rreth përmbajtjes së biskotave Plazma me orgjinë nga Serbia, ne menjëherë kemi ngritur nivelin e kontrollit. Kemi marrë informatat e biskotave që kanë qenë me probleme në Slloveni dhe pas verifikimeve të ngarkesave dhe kontrolleve që i kemi kryer tek operatori importues i këtij produkti, kemi vërtetuar se biskotat që kanë qenë të dyshimta, nuk janë prezente në Kosovë”, tha Thaçi.

“Përveç kësaj ne kemi kryer kontrolle edhe të produkteve tjera që janë me këtë lloj produkti dhe deri më tani, sa u përket të dhënave, gjithçka është në rregull”, shtoi Thaçi.

Përgjegjësinë kryesore për kontrollin e ushqimit në Kosovë e ka Agjencia e Veterinarisë dhe Ushqimit e Kosovës, si autoritet shtetëror.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë