Loading…
Risia e “Coca Colës”, pija e parë alkoolike në Japoni
  • 28/05/2018 | 17:19

...

“Coca Cola” ka hedhur në treg pijen e parë alkoolike të saj, një lloj “alkopopi” me shije limoni, dhe e ka bërë këtë në Japoni, në një përpjekje për të eksploruar tregje të reja dhe konsumatorë të rinj.

Në një risi globale për gjigantin amerikan, 3 pije të gazuara me limon dolën në shitje të hënën. Produkti synon një treg në rritje të pijedashësve të rinj, veçanërisht femrave.

E cilësuar nga “Coca Cola” si unike në historinë 125-vjeçare të kompanisë, 3 pijet e nxjerra në treg mbajnë nga 3 deri në 8 për qind alkool.

Në kuadër të traditës së kompanisë, receta ruhet me fanatizëm, por pijet janë prodhuar duke u bazuar në pijet popullore të vendit, “Chu-Hi”, zakonisht një përzierje alkoolikësh lokalë dhe një numër me shije frutash.

“Chu-Hi”, një shkurtim për “shochu highball”, është hedhur në treg si një alternativë ndaj birrës, e ka rezultuar veçanërisht popullore mes femrave. Kompanitë lokale si “Suntory”, “Asahi” dhe “Kirin” dominojnë aktualisht sektorin për pijet “Chu-Hi”. Shijet më popullore janë ato me qitro dhe limon, kjo e fundit e testuar tani edhe nga “Coca Cola”.

Kompania thotë se nuk ka plane për të nxjerrë pijen e re në tregje jashtë Japonisë. Pijet “alkopop” kanë rezultuar të suksesshme edhe në Europë dhe në Britaninë e Madhe, në vitet 1990, me “Smirnoff Ice” dhe “Bacardi Breezer” që janë bërë shumë popullore.

Ato, sidoqoftë u bënë të polemizuara, si pasojë e shqetësimit se inkurajonin të rinjtë të pinin më shumë alkool, për shkak të shijes së ngjashme me limonatat.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë