Loading…
Shabani thyen rekordin e Kosovës në not
  • 08/08/2018 | 12:04

...

Fjorda Shabani të martën doli e fundit në disiplinën 100 metra krol në kampionatin evropian që po mbahet në Glasgow të Skocisë.

Por me kohën prej një minute, dy sekonda e 74 të qindtat, ajo theu rekordin e Kosovës.

Rekordi i vjetër i Kosovës ishte një minutë, dy sekonda dhe 85 të qindtat.

Në këtë disiplinë është dashur të paraqitet edhe Eda Zeqiri. Por ajo nuk ka startuar fare.

Ditë më parë ishin thyer edhe disa rekorde të Kosovës, në disiplina të ndryshme, ndonëse gati të gjithë pjesëmarrësit nga Kosova përfunduan të fundit në garat ku morën pjesë.

“Nesër (e mërkure v.j.) do të paraqiten prapë Fjorda Shabani në 200 metra shpinë, Dren Ukimeraj në 50 metra krol dhe Dion Kadriu në 100 metra delfin, që janë dhe paraqitjet e fundit për këtë kampionat. Urojmë që të kemi rekorde të reja edhe ditën e mërkurë”, thuhet në njoftimin e Federatës së Notit të Kosovës (FNK) të martën.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë