Loading…
Shkencëtarët zhvillojnë mënyrën e re për të krijuar kornean e njeriut
  • 20/10/2017 | 23:49

...

Shkencëtarët britanikë do të revolucionarizojnë trajtimin e shikimit pasi të zhvillojnë një mënyrë të re për të rritur kornean e syrit.


Ekspertët kanë krijuar kornean artificiale në një sipërfaqe të lakuar.

Procesi zgjat tre muaj duke përmirësuar cilësinë dhe transparencën e korneas.

Puna e ekspertëve në Universitetin e Newcastle dhe Universitetin e Kalifornisë është e rëndësishme, pasi ka një mungesë të madhe të korneave të dhuruara.

Kriza është përkeqësuar pasi kornea nuk mund të përdoret nga dikush që ka pasur kirurgji laseri në sy.

Hulumtimi i tyre tregoi se qelizat korneale të izoluara nga donatorët dhe të rritura në sipërfaqet e lakuara, rregullojnë veten në rrjetë.

Qelizat e rritur në këtë mënyrë arrijnë shtrirjen e saktë që i japin fuqinë dhe transparencën kornesë njerëzore.

Teknika e re mund të ndryshojë se si indet artificiale janë rritur tradicionalisht në laboratorë në mbarë botën.

Transplantimi i kornesë përfshin një operacion për të hequr kornenë e dëmtuar dhe ta zëvendësojë me inde të shëndetshme donatore.

Kornea është pjesa transparente e përparme e syrit, e cila mundëson hyrjen e rrezeve të dritës në brendësi të tij, për në retinë dhe prej andej përcillet në tru ku edhe realizohet perceptimi i imazhit.

Kornea normale është një sipërfaqe e lëmuar, asferike në formën e xhamit të orës, e rrumbullakët në qendër dhe vjen duke u sheshuar në periferi. Kornea është e ndërtuar nga fibra të kolagjenit të orientuara kryesisht në mënyrë paralele.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë