Loading…
Veseli: Vitin tjetër do të dyfishojmë fondet për mbështetje të inovacionit dhe ndërmarrësisë
  • 05/06/2018 | 13:47

...

Kryetari i Kuvendit, Kadri Veseli, ka thënë se fusha e teknologjisë informative dhe investimi në inovacione dhe ndërmarrësi  do të bëhet prioritet dhe fokus i zhvillimit ekonomik në Republikën e Kosovës, për të cilin qëllim ai tha se ka projektuar dhe shtyrë përpara themelimin e Ministrisë së Inovacionit.


Në ngjarjen “Think Future – Prizren” për promovimin e “Programit për financimin e Organizatave Jo-Qeveritare” dhe “Parkut të Inovacionit dhe Trajnimit në Prizren”, kryeparlamentari Veseli tha se Kosova ka rini inivatore me shumë ide dhe energji për punë.

Ai i inkurajoi të gjithë të rinjtë e regjionit të Prizrenit por edhe gjitha qyteteve tjera që të aplikojnë me idetë e tyre për të marrë mbështetje nga Ministria e Inovacionit dhe Ndërmarrësisë.

Kryetari Veseli tha se vitin e ardhshëm do të dyfishohen këto fonde, në mënyrë që të rinjtë e Kosovës me ide inovatore të realizojnë idetë dhe projektet e tyre, nërmjet të cilave do të krijohen edhe shumë vende të reja pune.

Veseli tha se këto rrethana e vendosin Kosovën në një rrafsh shumë të volitshëm dhe shumë më të mirë se shumë vende tjera, në fushën e kësaj konkurrence.

“Ne kemi nevojë jo vetëm të hapim vende të reja të punës për të rinjtë tanë, por njëkohësisht t’i aftësojmë ata që vetë të jenë krijues të vendeve të punës.

Këtu qëndron thelbi i zhvillimit ekonomik. Në duhet të lëvizim në këtë drejtim dhe ky është vizioni im. Unë do të jem në përkrahje të plotë të të gjithë atyre që kanë iniciativa zhvillimore. Duke i përkrahur ata ne e ndihmojmë ecjen përpara të vendit tonë. Iniciativa e lirë e ka ndryshuar botën. Ajo do ta ndryshojë edhe Kosovën”, tha Veseli.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë