Loading…
Vulin: Në Kosovë vetëm KFOR’i, FAK formohet vetëm me forcë brutale
  • 13/03/2018 | 20:03

...

Ministri serb i Mbrojtjes, Aleksandar Vulin thotë se në Kosovë mund të ketë vetëm një forcë të armatosur, e ajo është KFOR-i dhe për Serbinë kjo është e vetmja forcë e mundshme dhe e pranueshme.

Siç raporton Tanjugu, këto deklarime ministri serb i ka bërë, duke komentuar deklaratën e Ndihmës-Sekretarit të Shtetit të SHBA-së për Çështje Evropiane dhe Euroaziatike, Wess Mitchell, i cili gjatë vizitës në Prishtinë njoftoi se Shtetet e Bashkuara përkrahin krijimin e një ushtrie të Kosovës, kurse Vulin thotë se “Rezoluta 1244 në këtë drejtim është shumë e qartë”.

“Në Kosovë mund të jetë vetëm një forcë e armatosur, dhe kjo është KFOR-i. Derisa Këshilli i Sigurimit i OKB-së nuk ndryshon vendimin e saj kështu do të jetë, dhe për Serbinë kjo është e vetmja  e pranueshme”, ka thënë Vulin, përcjell Telegrafi.

Siç thotë ai, në Kosovë nuk mund të ketë asnjë ushtri, kurrfarë ushtrie e Kosovës, ajo mund të themelohet vetëm me forcë brutale.

“Krijimi i formacioneve të tilla të paligjshme të armatosura përbën një kërcënim për paqen dhe stabilitetin në të gjithë Ballkanin”, ka thënë ministri Vulin sot gjatë një vizite në kazermën “Banjica” në Beograd, ku mori pjesë në ceremoninë e përcjelljes së kontingjentit ushtarak serb në operacionet shumëkombëshe të Kombeve të Bashkuara në Qipro.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë