Loading…

​Bloomberg: Dollari nuk është më monedha kryesore në botë

  • 24/11/2020 | 20:12

​Bloomberg: Dollari nuk është më monedha kryesore në botë

Dollari nuk është më monedha kryesore në botë, pasi euro e ka tejkaluar për pagesa në tregun ndërkombëtar, për herë të parë nga shkurti 2013.

Deri në 37.82 për qind të transaksioneve ndërkombëtare të parave u kryen në monedhën evropiane, njoftoi Bloomberg, duke iu referuar të dhënave të Shoqatës Botërore të Telekomunikacioneve Financiare Ndërbankare (SWIFT), e cila përfshin 200 shtete dhe 11.000 institucione financiare.

Euro pasohet nga dollari amerikan, funta britanik, jeni japonez dhe dollari kanadez, i cili e shtyu juanin kinez nga pozita e pestë.

Përdorimi i dollarit u ul me 4.6 për qind nga dhjetori i vitit të kaluar deri në tetor të këtij viti, kështu që tani ai zë 37.64 për qind të aksioneve. Në të njëjtën kohë, euro u rrit me gjashtë për qind.

Dollari amerikan mbeti në vendin e parë kur bëhet fjalë për vendosjen e kredive. Ekspertët e shohin krizën ekonomike për shkak të pandemisë së virusit koronar, zgjedhjeve presidenciale amerikane dhe luftës tregtare me Kinën si arsyet e kësaj rënie të dollarit në listën e monedhave më të rëndësishme.

Që nga kulmi i tij në mars, dollari ndërkohë është dobësuar me 11 për qind dhe ekspertët thonë se ai do të pasohet nga një rënie e mëtejshme.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë