Loading…

​Dalin rezultatet paraprake të sondazheve në Gjermani: A do të ndryshojë pushteti?

  • 26/09/2021 | 21:52

​Dalin rezultatet paraprake të sondazheve në Gjermani: A do të ndryshojë pushteti?

Sondazhet e para pas mbylljes së procesit të votimit në Gjermani, shpallin fituese të zgjedhjeve partinë socialdemokrate, duke dhënë shenja të ndryshimit të pushtetit. Deri më tani, Partia Socialdemokrate ka marrë kryesimin me 25.5 % të votave, ndërsa partia e Angela Merkelit CDU/CSU me 24.5%.


Sa i përket shpërndarjes së vendeve në Bundestag, deri më tani situata paraqitet e tillë CDU/CSU 197 ulëse dhe SPD me 202.

Sipas mediave të huaja me këtë rezultat paraprak rritet pesha e Të Gjelbërve dhe liberalëve, të cilët janë në rrugën e duhur për të regjistruar rezultatin e tyre më të mirë ndonjëherë me rreth 14% të votave, ndërsa Alternativa e ekstremit të djathtë për Gjermaninë (AfD) dhe Demokratët e Lirë (FDP) pro-biznesit po shkojnë në rreth 11%, ndërsa Partia Socialiste e Majtë në 5%.

Të dy partitë që kryesojnë rezultatin kanë thënë se duan të formojnë qeverinë e ardhshme, teksa kandidati i CDU/CSU, Armin Laschet ka pranuar më herët rezultatin e dobët.

Në anën tjetër, kandidati i SPD-së, Olaf Scholz ka shprehur bindjen tek fitorja duke deklaruar se qytetarët gjermanë kërkojnë që ai të zgjidhjet kancelar i ardhshëm.

Ndaj partisë së Angela Merkelit kanë ardhur edhe kritikat e para. Një profesor i njohur i shkencave politike në Gjermani, është shprehur se rezultati paraprak është katastrofë për Armin Laschet pasi sipas tij, në zgjedhjet e kaluara, nga exit-pollet e para, partia e kryesuar nga Merkel ka kryesuar gjithmonë me 40% të votave./tch

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë