EURO 2020/ Italia prek çerekfinalen, pret fituesin e ndeshjes Belgjikë – Portugali
-
26/06/2021 | 23:44
Me shumë vuajtje dhe vështirësi Italia e ka mposhtur Austrinë dhe ka siguruar fazën çerekfinale të Kampionatit Evropian Euro 2020.
Përkundër dominimit në fushë, skuadra e Roberto Mancinit nuk ia doli që ta thyejë Austrinë brenda 90 minutave të rregullta pasi rezultati ishte 0-0, përcjellë KosovaPress.
Në vazhdimet prej 30 minutave Italia e tregoi klasin duke realizuar dy gola të shpejtë. Fillimisht për 1-0 realizoi Federico Chiesa dhe pastaj edhe Mateo Pessina.
Në pesë minutat e fundit Austria e ngushtoi epërsinë në 2-1 përmes golit të realizuar nga Kalajdzic, por kjo ishte krejt çfarë ata ia dolën të bënin.
Në çerekfinale, Italia do të ballafaqohet me fituesin e ndeshjes Belgjikë-Portugali.
Rekomandime
Më të fundit
Të tjera
