Loading…

​Ferizaj së shpejti me pallat të kulturës dhe stadium të ri

  • 24/09/2020 | 13:55

​Ferizaj së shpejti me pallat të kulturës dhe stadium të ri

Dhjetëra milionë euro janë zotuar nga Ministria e Kulturës, Rinisë dhe Sportit për investime në infrastrukturën e kulturës rinisë dhe sportit në komunën Ferizajt.


Ministrja e MKRS-së, Vlora Dumoshi sot gjatë një vizite në Ferizaj ka theksuar se kjo komunë ka një histori në pjesën e kulturës, sportit dhe trashëgimisë. Prandaj, është zotuar do të mbështeten projektet në fushë.

Dumoshi me këtë rast premtoi mbështetjen financiare për ndërtimin e një stadiumi të ri në Ferizaj me standarde evropiane.

“Sa i përket sportit ne kemi paraparë disa investime të konsiderueshme kapitale për ndërtimin e palestrës sportive në Gremë të Ferizajt, kompleksin e fushave te tenistit, pishinën gjysmë olimpike. Ne vendosëm që të fillojmë me projektin e stadiumit të ri të qytetit për t’i dhënë mundësi sportistëve. Pra, komuna e Ferizajt ka nevojë për një stadium dhe do të bëhet me standarde më të mira”, theksoi Dumoshi.

Ndërsa, kryetari i Ferizajt Agim Aliu tregoi se në këtë komunë janë duke u zhvilluar disa projekte për fushën e kulturës dhe sportit, ndërsa theksoi se shumë shpejt do të bëhet gur themeli për ndërtimin e pallatit të kulturës.

“E veçanta e vizitës së ministres Dumoshi është se jo vetëm në kuptimin e mbështetjes për aktivitetet kulturore, prandaj sot kemi zotimin e ministres që shumë shpejt ne do të vejmë gur themelin e fillimit të pallatit kulturës që është një objekt që është i pari i këtij lloj në Republikën e Kosovës që do të mundësojë kushte më të mira për artdashësit, krijuesit, por edhe për qytetarët tanë që i përcjellin këto aktivitete”, theksoi Aliu.

Kryetari Aliu tha se të gjitha projektet që kanë nisë dhe do të zbatohen kapin shumën mbi 10 milionë euro.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë