Loading…

​Gjukanoviq: Serbia po përsërit gabimet e viteve të 90-ta, të gjithë e dimë epilogun

  • 04/06/2021 | 17:15

​Gjukanoviq: Serbia po përsërit gabimet e viteve të 90-ta, të gjithë e dimë epilogun

Presidenti i Malit të Zi, Milo Gjukanoviq, ka deklaruar se Serbia tani po sillet ndaj Malit të Zi, ngjashëm siç ishte sjellur në vitet e 90-ta me vendet tjera fqinje.


Këto deklarata, Gjukanoviq i bëri pas takimit që pati me anëtarët e presidencës së Bosnje Hercegovinës, Zeljko Komsic dhe Sefik Dzaferovic.

“Të gjithë e dimë epilogun e atyre sjelljeve. Kam frikë se do të përsëriten gabimet që janë bërë në të kaluarën”, ka thënë Gjukanoviq.

Ai deklaroi se pikëpamjet e tij të kohëve të fundit janë keqkuptuar vazhdimisht në Beograd.

“Unë kam qenë një nga aktorët politikë të viteve të 90-ta dhe kjo përveç si barrë, është edhe përgjegjësi për mua se si nuk duhet t’i lëmë të na përsëriten gabimet e së kaluarës. Nuk është koha që të përsëriten ato gabime”, shtoi ai.

Gjukanoviq tha se pret një politikë më të përgjegjshme të BE-së dhe Zonës së Atlantikut, në mënyrë që në Ballkan të mos përsëriten gabimet tragjike të së kaluarës.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë