Loading…

​Isa Mustafa: Marrëveshja e Uashingtonit ka vetëm këto dy çështje të ndjeshme

  • 16/09/2020 | 20:45

​Isa Mustafa: Marrëveshja e Uashingtonit ka vetëm këto dy çështje të ndjeshme

Kryetari i Lidhjes Demokratike të Kosovës, Isa Mustafa ka deklaruar se Marrëveshja e Uashingtonit është në dobi jo vetëm të Kosovës, por edhe të shteteve të rajonit, shkruan Gazeta Metro.


Mustafa thotë se nga marrëveshja e Uashingtonit që u nënshkruar në Shtëpinë e Bardhë mes Kosovës dhe Serbisë ka vetëm dy çështje të ndjeshme.

Sipas kreut të LDK’së, është vetëm çështja e Ujmanit dhe pjesmarrja e Kosovës në mini-Shengenin, ide kjo e nisur nga Serbia.

Gjatë intervistës në ‘Ilva Now’, tha se në Ujman do të ndodhë vetëm studimi i fizibilitetit për shfrytëzimin e këtyre ujërave të këtij liqeni për nevoja të energjisë dhe bujqësore.

“Unë jam i kënaqur dhe mendoj se është një marrëveshje e cila është në dobi jo vetëm të Kosovës, por edhe në dobi të këtij regjioni veçmas vendeve të Ballkanit Perëndimor. Është marrëveshje e cila përmban disa pika që ndërlidhen me zhvillimin e drejtpërdrejtë të infrastrukturës që lidh Kosovën me Serbinë po edhe me Shqipërinë, edhe me vendet e tjera”, tha kreu i LDK-së.

“Janë disa çështje të cilat janë pak më të ndjeshme, siç është çështja e Ujmanit por që në fakt është një ndihmesë e madhe e Shteteve të Bashkuara të Amerikës në studimin e fizibilitetit që duhet ta bëjë lidhur me shfrytëzimin e ujërave të këtij liqeni qoftë për nevoja të energjisë, qoftë për nevoja të bujqësisë dhe çështja e mini-shengenit e cila ka qenë temë që nganjëherë nuk jemi pajtuar edhe brenda vendeve të Ballkanit Perëndimor”, shtoi Mustafa.

“Mospajtimet kanë qenë te njohja nga Izraeli sepse natyrisht që do të ishte e vështirë që Serbia të nënshkruajë në një dokument i cili flet për njohjen e Kosovës nga shteti i Izraelit. Ka pasur po ashtu pakënaqësi nga ana jonë që ne të bëjmë një marrëveshje të drejtpërdrejtë lidhur me Ujmanin, me Serbinë, por që marrëveshja të jetë me Shtetet e Bashkuara të Amerikës meqenëse Shtetet e Bashkuara të Amerikës do ta bëjnë një studim fizibiliteti”, tha ai.

“Ka pas një shqetësim të zotit Haradinaj për Ujmanin se nuk duhet të lejojmë që të merret atje ndonjë vendim e cila ve në pikëpyetje shfrytëzimin e Ujmanit ose përkatësinë e Ujmanit, përkatësinë territoriale të liqenit. Unë i kam thënë se unë do të pres, se unë jam i informuar. Është fjala vetëm për studim fizibiliteti dhe për asgjë tjetër. Më vonë kanë pasuar këto, diku pas dreke nga ora 3, informatat që dy ministra të AAK-së kanë ofruar dorëheqjen për shkak se nuk janë pajtuar me marrëveshjen. Mirëpo, ashtu siç jam lajmëruar se kanë paraqitur dorëheqjen, jam lajmëruar se zoti Haradinaj është pajtuar me marrëveshjen”, deklaroi Mustafa.

“Ndonjë lëvizje, me sa di unë, s’ka pasur lëvizje sa i përket dokumentit. Nuk ka pas. Çfarë lëvizje të tjera ka pas, a është bërë mbi bazën e komunikimit që zoti Haradinaj ka pas me zyrtarët e Shteteve të Bashkuara të Amerikës dhe çfarë është thënë, krejt ato bisedat unë s’mund të them sepse as nuk e kam pyetur zotin Haradinaj, as që jam informuar prej të tjerëve. Por me rëndësi themelore është që marrëveshja është arritur, është nënshkruar në Zyrën Ovale të shtëpisë së Bardhë edhe se është një perspektivë e mirë që ne ta implementojmë këtë marrëveshje dhe po ashtu është një simbolikë tepër e mirë që Kosova është rikthyer në Shtëpinë e Bardhë, përkatësisht në Zyrën Ovale të Shteteve të Bashkuara të Amerikës”, ka shtuar kreu i LDK-së.//gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë