Loading…

​Mbi 90 mijë fletëvotime të pavlefshme në zgjedhjet lokale

  • 03/11/2021 | 21:31

​Mbi 90 mijë fletëvotime të pavlefshme në zgjedhjet lokale

Komisioni Qendror i Zgjedhjes sot publikoi rezultatin përfundimtar të zgjedhjeve të 17 tetorit për Kuvende Komunale.

E sipas KDI-së, ajo që mbetet shqetësuese është numri tejet i lartë i fletëvotimeve të pavlefshme.

Sipas Eugen Cakollit nga ky institut, janë mbi 90 mijë fletëvotime të pavlefshme dhe të zbrazëta në nivel vendi, prej tyre 70 mijë janë vetëm për kuvendet komunale që paraqet edhe pjesën më problematike.

Sipas tij kjo situatë është e papranueshme dhe duhet të adresohet menjëherë, duke punuar në ndryshimin e dizajnit të fletëvotimeve.

Ky është statusi i tij i plotë:

Edhe në këto zgjedhje ka vijuar trendi jashtëzakonisht i lartë e negativ i votave të pavlefshme. Në bazë të rezultateve të deritanishme të KQZ-së, kemi gjithsej 90,289 fletëvotime të pavlefshme dhe të zbrazëta në nivel vendi. Prej tyre, PLOT 70 MIJË (mesatarja në nivel vendi 8.56%) janë vetëm për kuvendet komunale – që paraqet edhe pjesën më problematike.

Komunat me përqindjen më të lartë të votave të pavlefshme janë Ranillugu (18.75%), Graçanica (15.70%), Drenasi (11.48%), Parteshi (11.36%), Mitrovica e Jugut (10.48%) dhe Obiliqi (10.43%).

Në anën tjetër, komunat me përqindjen më të vogël janë Leposaviqi (2.72%), Zveçani (2.82%) dhe Mamusha (4.08%).

Kjo situatë është e papranueshme dhe duhet të adresohet menjëherë, duke punuar në ndryshimin e dizajnit të fletëvotimeve, rikonceptimin e kampanjave për informim të votuesve lidhur me mënyrën e votimit, por gjithsesi duke mos anashkaluar edhe rishikimin e sistemit të votimit në zgjedhjet lokale në tërësi.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë