Loading…

​MTI arrin marrëveshje me agjencinë ADA për të ndihmuar bizneset kosovare

  • 30/06/2020 | 14:24

​MTI arrin marrëveshje me agjencinë ADA për të ndihmuar bizneset kosovare

Ministria e Tregtisë dhe Industrisë ka nënshkruar marrëveshje bashkëpunimi me Agjencionin austriak për Zhvillim (ADA), e cila do t’i shërbejë sektorit privat me qëllim të krijimit të intervenimeve lehtësuese, të cilat do të zhvillojnë edhe më tutje sektorin privat dhe ngritin vetëdijen ndërmarrëse në Kosovë.


Ministri i Tregtisë dhe Industrisë, Vesel Krasniqi tha se është i kënaqur me bashkëpunimin me Austrinë dhe vlerësoi lart rolin e këtij shteti në mbështetje të bizneseve kosovare. Ndërsa shefi i zyrës së ADA në Kosovë, Gunther Zimmer, tha se projekti do t’i ketë impakt në zhvillimin rural, arsimin e lartë, stimulimin e investimeve të huaja dhe fuqizimin e sektorit privat.

Projekti do të rrisë rezultatet e të ardhurave më të larta dhe mundësive të punësimit në sisteme më të qëndrueshme të tregut. Po ashtu ky projekt do të kontribuojë në fuqizimin e konkurrueshmërisë së kompanive të sektorit privat dhe në rritjen e të ardhurave të tyre përmes qasjes së qëndrueshme në treg dhe lidhjeve më të fuqishme rajonale dhe ndërkufitare.

Vlera e projektit është 1 milion e 500 mijë euro, ndërsa MTI së bashku me Ministrinë e Zhvillimit Ekonomik do të participojnë me 300 mijë euro. Nga ky projekt pritet të nxirren rezultate në mjete dhe shërbimet e reja digjitale relevante që do të janë në dispozicion dhe të përdoren nga ndërmarrjet mikro, të vogla dhe të mesme të Kosovës.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë