Loading…

​NATO miraton konceptin e ri strategjik: Rusia kërcënim direkt, Kina është sfidë

  • 29/06/2022 | 17:05

​NATO miraton konceptin e ri strategjik: Rusia kërcënim direkt, Kina është sfidë

Krerët e shteteve dhe qeverive të anëtarëve të NATO-s në Madrid miratuan një Koncept të ri Strategjik për dekadën e ardhshme, në të cilin Rusia përshkruhet si kërcënimi më domethënës dhe i drejtpërdrejtë për sigurinë e aleancës.


Gjithashtu në tekstin e vizionit të miratuar nga vendet anëtare të organizatës ushtarake për 10 vitet e ardhshme, thekson se politikat shtrënguese të Kinës sfidojnë interesat, sigurinë dhe vlerat e NATO-s. “Rusia kërkon të krijojë sfera ndikimi dhe kontrolli të drejtpërdrejta përmes shtrëngimit, përmbysjes, agresionit dhe aneksimit”, shkruhet në tekstin e konceptit strategjik të Organizatës së Traktatit të Atlantikut të Veriut.

SHBA do të ndryshojë strategjinë ushtarake në Europë, Biden: Aleanca gati për çdo kërcënim “Ngritja ushtarake e Moskës, përfshirë në Detin Baltik, të Zi dhe Mesdhe, së bashku me integrimin ushtarak me Bjellorusinë, përbën një sfidë për sigurinë dhe interesat tona”, thotë paragrafi 8 i konceptit të NATO-s.

Ndërkohë, Sekretari i Përgjithshëm, Jens Stoltenberg, konfirmoi mbështetjen për Ukrainën deri sa ky vend të ketë nevojë. Gjithashtu prezantoi ndihmat e reja për vendin e përfshirë nga lufta e Rusisë që janë kryesisht pajisje luftarake, mjekësore dhe karburant.

“Ky do të jetë një samit historik dhe transformues për aleancën tonë. Ne takohemi në mesin e krizës më të rëndë të sigurisë me të cilën jemi përballur që prej Luftës së Dytë Botërore, dhe po shohim se aleatët janë në gjendje të tregojnë unitet dhe se po i përgjigjen në mënyrë të unifikuar sfidave dhe kërcënimeve. Do të jetë një samit transformues pasi do të merren vendime historike. Do të dakordësohemi për një koncept të ri strategjik për aleancën tonë, i cili do të jetë udhëzuesi mbi mënyrën se si të çojmë NATO-n drejt së ardhmes në një botë më kompetitive dhe të rrezikshme, për të mbrojtur të gjithë aleatët dhe rreth 1 miliardë qytetarë. Do të dakordësohemi mbi një ndryshim thelbësor për parandalimin dhe mbrojtjen, me më shumë batalione luftarake dhe gatishmëri me të lartë të forcave tona. Gjithashtu do të shprehim mbështetjen për Ukrainën e do të pajtohemi për një paketë gjithëpërfshirëse ndihmash. Me pas liderët do të marrin vendimin historik për të ftuar Finlandën dhe Suedinë për t’u anëtarësuar në NATO, pas marrëveshjes së arritur me Turqinë”, deklaroi sekretari i Përgjithshëm Jens Stoltenberg.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë