Loading…

​Ngordh qeni i parë nga COVID-19

  • 31/07/2020 | 16:54

​Ngordh qeni i parë nga COVID-19

Një pastor gjerman i konfirmuar si rasti i parë i koronavirusit te qentë, ka ngordhur së fundmi në SHBA.


Shtatëvjeçari Buddy nisi problemet me frymëmarrjen nga mesi i prillit, kur dhe i zoti i tij ishte sëmurë me koronavirus prej tre javësh. Qeni ishte gjithashtu me kancer.

Pronarët e tij Robert e Allison Mahoney, nga Staten Island, thanë për National Geographic, se qeni ishte ‘eliminuar’ pasi kishte nisur të kollitej me gjak.

Allison Mahoney tha se Buddy “kishte sjellë gëzim për të gjithë”. Nuk është e qartë nëse Buddy vdiq nga komplikimet e koronavirusit apo nga kanceri prej të cilit vuante.

Një testim te veterineri e nxori Buddy-n në maj pozitiv me koronavirus.

“Kur i thua njerëzve që ke qenin me koronavirus, ata shikojnë sikur ke shtatë koka. Më vonë kur kollitej ai dukej sikur do të nxirrte të brendshmet, si nga goja dhe nga hunda,” tha Mahoney.

Administrata amerikane thotë se aktualisht nuk ka prova shkencore se kafshët luajnë rol të konsiderueshëm në përhapjen e koronavirusit. Nga të dhënat në SHBA për koronavirusin te kafshët raportohen 12 qen, 10 mace, një tigër e një luan.

Nadia, tigri katërvjeçar në kopshtin zoologjik të Bronx, rezultoi pozitiv me Covid-19 në prill.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë