Loading…

​OAK paraqet problemet e bizneseve para ministres Hajdari

  • 13/04/2021 | 15:27

​OAK paraqet problemet e bizneseve para ministres Hajdari

Vështirësitë me të cilat po përballen bizneset si rezultat i pandemisë, ofrimi i përkrahjes nga ana e institucioneve të vendit, krijimi i ofertave për bizneset e bashkëpunimi i ndërsjellë ishin qëllimi i takimit të përfaqësuesve të Odës së Afarizmit të Kosovës (OAK) me ministren e Industrisë, Ndërmarrësisë e Tregtisë, Rozeta Hajdari.


OAK uroi ministren për pranimin e detyrës dhe falënderoi për bashkëpunimin e deritanishëm, duke i ofruar përkrahje sa i përket trajtimit të çështjeve të sektorit privat, duke theksuar se OAK duhet të konsiderohet si një partner kredibil.

“Gjatë këtij takimi u theksuan: problemet e bizneseve të Kosovës gjatë tranzitit të mallrave në Serbi, rëndësia e implementimit të Ligjit për Tregti të Brendshme, Ligjit për Falimentim, krijimi i ofertave për biznesin, largimi i Kosovës nga CEFTA si UNMIK dhe të aplikohet si Republikë e Kosovës, kompletimi i të gjitha parqeve industriale me infrastrukturë si dhe Institucionet të përkrahin më shumë prodhimin vendor”, thuhet në komunikatën e lëshuar për media nga OAK.

Ministrja Hajdari, nga ana e saj, theksoi që industria do të trajtohet me prioritet nga ky dikaster, duke potencuar që do të jetë e hapur për bashkëpunim jo vetëm me odat por edhe bizneset individualisht për konsultime sa i përket sektorit privat.

“Andaj, me bashkëpunim të ndërsjellë do të tejkalohen barrierat të cilat shfaqen gjatë të bërit biznes”, citohet të ketë thënë Hajdari.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë