Loading…

​Odat ekonomike kërkojnë themelimin sa më të shpejtë të Gjykatës Komerciale

  • 13/08/2020 | 13:32

​Odat ekonomike kërkojnë themelimin sa më të shpejtë të Gjykatës Komerciale

Ministri i Drejtësisë, Selim Selimi sot është takuar me përfaqësues të Odave ekonomike në Kosovë me të cilët ka diskutuar për rimëkëmbjen ekonomike gjatë dhe pas pandemisë Covid-19, si dhe për themelimin e Gjykatës Komerciale, me ç‘rast u theksua rëndësia e kësaj gjykate për bizneset dhe investitorët në Kosovë.

Selimi vuri në dukje se Ministria e Drejtësisë së bashku me partnerët strategjikë, SHBA-në, ka ndërmarrë iniciativë për të finalizuar ligjin për Gjykatën Komerciale që sipas tij do të trajtojë çështjet e kontesteve komerciale.

“Çështja e Gjykatës Komerciale ka dalë nga Rishikimi Funksional i Sektorit të Sundimit të Ligjit dhe është parë si shumë e nevojshme për t’iu qasur në mënyrë më serioze kontesteve komerciale. Artikulimi në një shtyllë i çështjeve komerciale i zgjidhë ato me ekspertizë, ulë riskun e të bërit biznes, riskun e kontesteve, riskun e fitimit pasi mbrohet me një gjykatë e cila merret ekskluzivisht me këtë çështje”, ka thënë ai.

Sipas tij, themelimi i Gjykatës Komerciale fuqizon sistemin e drejtësisë në vendin tonë dhe ofron siguri për çdo biznes dhe investitor në Kosovë.

“Përfitim kryesor i themelimit të gjykatës është se të gjitha kontestet ndërmjet bizneseve, por edhe të gjithë afaristët do të kenë një adresë. Kërkesë të veçantë kam pasur që të ekzistojë një panel i veçantë për investime direkte të huaja, në mënyrë që kjo të ofrojë siguri për investitorët e jashtëm”, tha Selimi.

Ndërsa përfaqësuesit e Odave, falënderuan ministrin Selimi për bashkëpunim, duke vlerësuar të rëndësishëm themelimin sa më të shpejtë të Gjykatës Komerciale.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë